نوا تے پراناپاکستان ویکھیا،ہُن قائد اعظم دا پاکستان بنانا اے‘چوہدری سرور

لہور( پنجابی میڈیاگروپ)سابق گورنر پنجاب و مسلم (ق) دے سینئر رہنما چوہدری محمد سرور نے آکھیا اے کہ میں پرانا وی پاکستان وی ویکھیا اے نوا پاکستان وی ویکھیا اے لیکن ہُن فیصلہ کیتا اے کہ میں قائد اعظم دا پاکستان بنانا اے۔اک انٹرویو وچ اوہناں نے آکھیا کہ سیاسی جماعتاں وچ جمہوریت نہیں اے،فیصلے مشاورت نال نہیں ہندے ۔اگر تحریک انصاف وچ ساڈے مشوریاں نوں منیا جاندا تے اج تحریک انصاف جس مشکل صورتحال وچ اے اینج نہ ہُندا۔اوہناں نے آکھیا کہ اگر عدم اعتماد دی تحریک نہ آندی تے تحریک انصاف دی مقبولیت ختم ہو گئی سی کیونکہ ایہ گڈ گورننس نہیں دے سکی ۔ ہُن جیہڑے نویں لوگ آئے نیں اوہناں نے آکھیا سی کہ اسین مہنگائی ختم کرنے آئے ہاں لیکن اوہناں نے مہنگائی پہلاں توں وَدھ کردتی اے