عمران خان نوں گرفتاری دے کے ہور مقبول ہون دی لوڑ نہیں،اسد عمر

اسلام آباد(پنجابی میڈیاگروپ)پاکستان تحریک انصاف دے رہنما اسد عمر نے لہوروچ عمران خان دی ممکنہ گرفتاری دے معاملات اُتے صدر مملکت نال گل بات ہون دی تصدیق کردیاں ہویاں آکھیا اے کہ عمران خان پہلاں ہی مقبول نیں،گرفتاری دے جے ہور مقبول ہون دی لوڑ نہیں ۔اسد عمر نے اپنے بیان وچ آکھیا کہ لہوردے معاملات وچ صدر نال مداخلت کرن دا نہیں آکھیا،اوہناں نے جو سمجھانا چاہیا، اوہ سمجھادتا۔اوہناں نے آکھیاکہ رولیکس، مرسیڈیاں تے انناس تک لے جان وال لوگ، توشہ خانہ اُتے عمران خان نوں گرفتار کرنا چاہندے نیں،ملک بنانا نہیں، پائن ایپل ری پبلک بن چکیا اے۔صدر مملکت تے یاسمین راشد دی آڈیو لیک اُتے اعتراض کردیاں ہویاں اسد عمر نے آکھیا کہ سپریم کورٹ نوں صدر مملکت دی آڈیو لیکس دا نوٹس لینا چاہیدا اے۔