قنون ہر قیمت اُتے نافذ ہوئے گا،آئی جی پنجاب

لہور(پنجابی میڈیاگروپ)آئی جی پنجاب عثمان انور نے آکھیا اے کہ قنون ہر قیمت اُتے نافذ ہوئے گا تے عدالت نوں دس دیاں گے کہ کوئی نو گو ایریا نہیں رہے گا۔اک انٹرویوروچ آئی جی پنجاب نے آکھیا کہ قنون ہر قیمت اُتے نافذ کیتا جائے گا، ہرگز نہ سمجھیا جائے کہ پلس، پلس دے سامنے اے، قطعی اینج دی صورتحال نہیں کہ اک فورس دُوجی فورس نال لڑ رہی اے۔آئی جی پنجاب نے آکھیا کہ پلس اُتے پتھراؤ کیتا گیا، غلیل نال پتھر مارے گئے، اوس دیاںتصویراں تے ویڈیوز وی موجود نیں۔اوہناں نے آکھیاکہ جج صاحب دے حکم مطابق میٹنگ ہوئے گی تے قنون دے مطابق گل ہوئے گی، اوہناں دے اعتراض وی ویکھاں گے،عدالت نوں دسں دیاں گے کہ کوئی نوگو ایریا نہیں رہے گا