پاک فوج دے 37بریگیڈیئرز نوں میجر جنرل دے عہدے تے ترقی دے دتی گئی، آئی ایس پی آر
راولپنڈی: پاک فوج دے 37بریگیڈیئرسطح دے افسراں نوں ترقی دے کے میجر جنرل تعینات کر دتا گیا، ترقی دی منظوری آرمی چیف قمر جاوید باجوہ نے دتی۔
آئی ایس پی آر دے مطابق آرمی چیف جنرل قمر جاوید باجوہ دی زیر صدارت آرمی پروموشن بورڈ دا اجلاس منعقد ہویا جہدے وچ 37بریگیڈیئرز نوں ترقی دے کے میجر جنرل تعینات کرن دی منظوری دتی گئی۔
ترقی پان والیاں وچ بریگیڈیئر فہیم عامر، بریگیڈیئر راشد محمود، بریگیڈیئر عبدالمعید، بریگیڈیئر شاہد منظور، بریگیڈیئرمحمد عاطف منشا، بریگیڈیئر ارشد محمود شامل ہیں، بریگیڈیئر افتخار حسن چوہدری تے بریگیڈیئر محمد عمر بشیر سنے دوجیاں نوں وی ترقی دتی گئی اے۔
