وزیر اطلاعات سندھ دا کرونا ویکسین بنان والیاں لئی انعام دا اعلان
کراچی: وزیر اطلاعات سندھ ناصر شاہ نے طلباء تے ریسرچ لیبارٹریز توں کرونا ویکسین بنان دی اپیل کر دتی، نال ای ویکسین تیار کرن والیاں لئی انعام دا اعلان وی کر دتا۔
وزیر اطلاعات سندھ ناصر شاہ دا کہنا سی ویکسین دی تیاری وچ سندھ حکومت دی مدد کیتی جاوے، سارے خرچے سندھ حکومت برداشت کرے گی۔
اوہناں نے ریسرچ سکالرز تے طلبا دے علاوہ لیبارٹریز دے ماہرین توں وی اپیل کیتی کہ کرونا وائرس نال نبڑن لئی حکومت نال تعاون کردیاں کرونا ویکسین تیار کرن جہدے لئی حکومت ساری ضروری سہولتاں تے اخراجات دی فراہمی لئی تیار اے۔
