کراچی وچ کرونا دا اک ہور کیس رپورٹ، ملک بھر وچ تعداد 22ہو گئی

کراچی: شہر قائد وچ کرونا وائرس دا اک ہور کیس ساہمنے آ گیا اے جہدے بعد ملک بھر وچ کیساں دی تعداد 22ہو گئی اے۔

محکمہ صحت دے مطابق کراچی وچ کرونا وائرس دا اک ہور کیس رپورٹ ہویا اے، 52سالہ بندے وچ کرونا وائرس دی تصدیق ہوئی اے جد کہ متاثرہ بندہ 2دن پہلاں اسلام آباد توں کراچی اپڑیا سی۔

محکمہ صحت دا کہنا اے نواں کیس ساہمنے آن دے بعد کراچی وچ کرونا وائرس دے مریضاں دی تعداد 15ہو گئی اے جد کہ کرونا وائرس دے مبتلا2مریض صحت یاب وی ہو چکے نیں۔

واضح رہوے ملک بھر وچ مجموعی طور تے کرونا مریضاں دی تعداد 22ہو گئی اے جد کہ حکومت سندھ نے کرونا وائرس دے خدشے دے پیش نظر تعلیمی ادارے 31مئی تک بند رکھن دا اعلان کیتا اے۔