وزارت خزانہ نے ملکی وغیرملکی قرضے دی تفصیل پیش کردتی

اسلام آباد (پنجابی میڈیا) قومی اسمبلی وچ وزارت خزانہ ولوں ملکی وغیرملکی قرضے دی تفصیل پیش کردتی گئی۔ تفصیل دے مطابق پیرنوں سپیکرراجہ پرویزاشرف دی زیرصدارت قومی اسمبلی دا اجلاس ہویا جس وچ وزارت خزانہ ولوں ملکی وغیرملکی قرضے دی تفصیل پیش کیتی گئی ۔ وزارت خزانہ مطابق جون 2020وچ ملکی قرضہ 23 ہزار283ارب روپے سی ،دسمبر2022وچ ملکی قرضہ 31ہزار 116ارب روپے ہوگیا،جون 2020وچ غیرملکی قرض 13ہزار116ارب روپے سی ، دسمبر2022وچ ایہ قرض 19ہزار605 ارب روپے ہوگیا ۔ وزارت خزانہ ولوں جاری تفصیل دے مطابق جون 2020 وچ کل سرکاری قرض 36ہزار399 ارب سی ،دسمبر2022وچ سرکاری قرض 52ہزار721ارب روپے ہوگیا۔وزارت خزانہ دے مطابق جون 2022تک ہرپاکستانی 2لکھ 16ہزار709 روپے دا مقروض ہوگیا،جون 2020وچ جی ڈی پی دا76.6فیصد قرضہ لئیا گیا،جون 2021وچ کل جی ڈی پی دا 71.5فیصد قرض لئیا گیا،جون 2022وچ جی ڈی پی دا کل قرض 73.5فیصد لئیا گیا۔