لہور آرٹس کونسل الحمرا وچ حج قرعہ اندازی

لہور(پنجابی میڈیا گروپ)لہور آرٹس کونسل الحمرا وچ حج قرعہ اندازی داانعقاد ہویا۔تقریب وچ چیئرمین الحمرا قاسم علی شاہ،ایگزیکٹوڈائریکٹر نازیہ جبیں سنے ساریاں افسراں تے ملازماں رَلت کیتی۔قرعہ اندازی وچ محمد علی اسٹیج منیجرتے ساجد حسین سکیورٹی گارڈ نے نام دا قرعہ کَڈیا۔قاسم علی شاہ تے نازیہ جبیں نے حج دا قرعہ کَڈن والیاں نوں مبارکباد دتی ۔ تقریب نال چیئرمین الحمرا قاسم علی شاہ خطاب کردیاں ہویاں آکھیا کہ میرے دل دا اطمینا ن فرائض دی احسن انداز وچ انجام دہی نال عبارت اے،الحمرا دی ترقی و خوشحالی افسراں و ملازماں دی لگن، محنت تے عزم دی مرہون منت اے۔ ایگزیکٹوڈائریکٹر الحمرا نازیہ جبیں نے ایس موقع اُتے اپنے خطاب وچ آکھیاکہ حج اُتے جان والے ملازماںداایہ سفرباعثِ بابرکت ہوئے،خوش قسمت نیں اوہ لوگ جیہڑے حج اُتے جاندے نیں ۔ ترجمان الحمرا دے مطابق ایس موقع اُتے اپنے ملک تے ادارہ دی امن و سلامتی لئی دعا کیتی گئی اے،الحمرا ہر سال اپنے خرچہ اُتے 2ملازماں نوں حج اُتے گھلدا اے،الحمرا حج قرعہ اندازی تقریب وچ ساریاں افسراں تے ملازماں رَلت کیتی۔