اسٹرابیری صحت وتوانائی توں بھرپور

پھل خوش ذائقہ ہون دے نال نال صحت و توانائی لئی بوہت اہمیت رکھدے نیں

حکیم حارث نسیم سوہدروی

پھل قدرت دا انسان لئی حسین تحفہ نیں۔ جیہڑے خوش ذائقہ ہون دے نال نال صحت و توانائی لئی بوہت اہمیت رکھدے نیں۔ پھل ہوراں غذاواں دی نسبت چھیتی ہضم ہُندے نیں۔ غذائیت توں بھرپور ہُندے نیں۔
معدنی نمک تیحیاتین (وٹامنز )اینہاں اندر وافر مقدر وچ ہُندے نیں۔ اینہاں پھلاں وچ اک اسٹرابیری اے ،جیہڑی خوب صورت ڈبیاں وچ قرینہ توں بازار وچ ملدی اے۔ ایس دی سرخ رنگت تے مخصوص خوشبو بوہت دلاویز ہُندی اے۔اسٹرابیری غذائی دے نال نال دوائی اجزا توں بھرپور پھل اے۔
تے اسیں کہہ سکدے ہاں کہ غذائی و دوائی افادیت وچ اپنا خاص مقام رکھدی اے۔ ایہ بہترین مصفی خون اے۔ یعنی خون نوںصاف کرن دی صلاحیت توں مالا مال اے۔ خون صفا شیواں دے استعمال نال بعض اوقات جلد اُتے دانے نکل آندے نیں۔
ایس طرح خراب تے فاسد مادے باہر نکل جاندے نیں تے جلد صاف شفاف ہو جاندی اے۔ تے رنگت نکھرجاندی اے۔ اسٹرابیری جگر دے فاسد مادے خارج کرن دی صلاحیت رکھدی اے۔ جگر دی سستی دور کردی اے ،جس نالجگر دا فعل بہتر ہوجاندا اے۔
اوس دی کارکردگی وَدھ جاندی اے اے۔اوس دے علاوہ ایہ گٹھیا، قبض، ہائی بلڈ پریشر، نزلہ تے جلددے سرطان دے امراض وچ وی اوہناں توں چھٹکارے لئی مدد کردی اے۔
اسٹرابیری 100گرام وچ پائے جانے والے صحت بخش اجزاء:حیاتین الف (وٹامن اے 40(یونٹ۔ حیاتین ب )1وٹامن بی ۔53 ملی گرام رائبون قلدونی (وٹامن بی )۔57ملی گرام نایاسن (وٹامن بی)3ملی گرام حیاتین ج (وٹامن سی)،65ملی گرام لحمیات (پر و ٹینز)،8گرام حرارے(کیلوریز) ۔ 37 نشا ستہ ( کا ر بو ہا ئیڈ ر یٹ ) 3،8گرام فولاد8ملی گرام فا سفو ر س2 7 ملی گرام پوٹاسیم 220ملی گرام آکھاں دی خارش جلن درد تے سرخی دے علاوہ داد(ECZEMA)وچ اسٹرابیری نوں کچل کے پو لٹس ونگوں لان نال فائدہ ہُندا اے۔
گردیاںدے ورم وچ ایس دے پتیاں دا جو شاندہ پین نال فائدہ ہُندا اے۔ ذیابیطس وچ وی مفید اے۔
میلے دانت یااوہناں وچ جمیا سخت میل اوس دے ٹکڑے کرکے ملن نال ایہ میل آہستہ آہستہ جاندا رہندا اے۔ تے مسوڑھے وی مضبوط ہُندے نیں۔
البتہ ملن دے فوری بعد کلی نہیں کرنی چاہیدی تاکہ کجھ عرصہ لگیا رہیا فیر نیم گرم پانی نال کلی کرلوو۔ ایس طرح دانتاں دی سختی کھرنڈ اُترن لگے گی تے پیلاہٹ وی جاندی رہے گی۔ دانت صاف چمکیلے ہوجاون گے۔