سی پیک اُتے کم دی رفتارنوں ودھانا چاہندا ہاں‘وزیر اعظم

لہور(پنجابی میڈیاگروپ)وزیر اعظم شہباز شریف نے خنجراب پاس کھلن اُتے اظہار مسرت کردیاں ہویاں آکھیا اے کہ عظیم آہنی بھائی چین دے نال تجارت دی بحالی چنگی گل اے،خنجراب پاس کھلن نال سی پیک دی رفتار ودھان دی راہ وچ اک ہور رکاوٹ دور ہو گئی ،اُمید اے کہ تجارتی راہداری کھلن نال دوناں ملکاں وچ تجارت ودھے گی ۔ اپنے بیان وچ اوہناںنے آکھیا کہ 3 ورھیاں بعد دوناں ملکاں وچ تجارتی راہداری بحال ہونا بڑی خوشی دی گل اے ۔جیہڑا سفر نومبر2019وچ رُکیا سی اوہ الحمد اللہ2023وچ فیر توں بحال ہوگیا اے۔اوہناںنے آکھیا کہ2018 وچ سی پیک جس رفتار اُتے چھڈ کے گئے ساں، اوس نوں دوگنا توں وَدھ رفتار نال ودھانا چاہندا ہاں،سی پیک قائد محمد نوازشریف تے چین دی عظیم قیادت دا خطے تے عوام لئی خوش حالی تے ترقی دا تحفہ اے