جماعت اسلامی داالیکشن دی متفقہ تریخ لئی ساریاں سٹیک ہولڈراںنال رابطے دا فیصلہ

لہور(پنجابی میڈیاگروپ)امیر جماعت اسلامی سراج الحق ہوراںآکھیا اے کہ اسیں ساریاں سیاسی سٹیک ہولڈراں نال رابطے دا فیصلہ کیتا اے، اسیں چاہندے ہاں سیاسی جماعتاں اک متفقہ تریخ اُتے اتفاق کرلین ۔ میڈیا نال گل کردیاں ہویاں امیر جماعت اسلامی سراج الحق نے آکھیا کہ سیاسی تے معاشی بحراناں دے بعد پاکستان اک آئینی بحران ول وَدھ رہیا اے،سپریم کورٹ ولوں حکومت دی درخواست مسترد کیتی گئی اے، ہُن حکومت نے اعلان کیتا اے کہ اسیں3رکنی بنچ نوں مسترد کردے ہاں، اک دُوجے نوں مسترد کرن دا کھیڈجاری اے، مثبت پیش رفت نوں قوم ترس رہی اے۔اوہناں نے آکھیا10اپریل نوں اینہاں چیف جسٹاں سوموٹو ایکشن لئیا سی، پی ڈی ایم والے اوس ویلے چیف جسٹس نوں ہیرو قرار دے رہے سن،ہُن پی ڈی ایم اوس دی مخالفت وچ اے، پی ٹی آئی والے چیف جسٹس دے فیصلے نوں ویلکم کر رہے نیں۔