الیکشن کمیشن دی درخواست ا ُتے وسائل ویکھاں گے،رانا تنویر حسین

مریدکے(پنجابی میڈیا گروپ)وفاقی وزیر تعلیم رانا تنویر حسین نے آکھیا حکومت کول وسائل دی گنجائش اے تے نہ ساہنوں سپریم کورٹ نے حکم دتا اے ،جَد الیکشن کمشن پیسے منگن دی درخواست کرے گاتے وسائل ویکھاں گے ۔ مریدکے وچ اجتماع نال خطاب کردیاں ہویاں اوہناں نے آکھیا کہ عارف علوی صدر مملکت دی بجائے عمران خان دے کارکن دے طور اُتے کم کررہے نیں ،اوہناں دے خلاف کوئی قدم نہیں چُکنا چاہندے، بس اوہناں توں کہندے ہاں کہ اپنے آئینی منصب دی پاسداری کرن ، اوہناں نے ہمیشہ ساڈے لئی مسائل پیدا کیتے ،جیہڑا قنون مستردکیتا اے دوبارہ پاس کر کے اوہناںنوں گھلاں گے ۔ اوہناںنے آکھیا کہ اسیں شروع توں ہی کہندے ساں کہ عمران خان غیر ملکی ایجنٹ اے ،اسلام تے ملک دشمن اوس نوں لے کے آئے ، اوس نے ملک نوں تباہ کیتا مگر اسیں اللہ دے حکم نال ایس توں آئینی طریقہ نال ہٹا کے ملک بچالئیا۔