پورے ملک وچ الیکشن اکتوبر نوں ہون گے:احسن اقبال

نارووال(پنجابی میڈیا گروپ)وفاقی وزیر منصوبہ بندی احسن اقبال نے آکھیا اے کہ نوازشریف نوں نااہل کرنا عدالت دا سیاہ فیصلہ سی، فیصلیاں توں لگدا اے کہ سپریم کورٹ وچ ڈکٹیٹر شپ مسلط اے۔ میڈیا نال گل بات کردیاں ہویاں مسلم لیگ (ن) دے رہنما احسن اقبال نے آکھیا اے کہ پورے ملک وچ الیکشن اک ہی ویلے اُتے اکتوبر وچ ہون گے، ملک وچ آئینی تے سیاسی بحران چل رہیا اے،1971وچ اینج دے الکشن دے نتائج بھگت چکے ہاں، پنجاب وچ پہلاں الیکشن کران نال مسائل پیدا ہون گے، اکتوبر وچ اسمبلیاں دی5سالہ مدت پوری ہوئے گی۔وفاقی وزیر احسن اقبال نے آکھیا کہ پنجاب وچ پہلاں الیکشن کران نال ملک وچ فساد پیدا ہوئے گا، صوبے برابر دیاں اکائیاں نیں، اوسی نال وفاق بن دا اے، پہلے الیکشن کرا کے وفاق نوں پنجاب دے زیردست کر دتا جائے، بھارت وچ کسی صوبے وچ ایہ طاقت نہیں کہ اوہ قومی اسمبلی دیاں سیٹاں اُتے اکثریت دے سکے، سپریم کورٹ نے معاملات نوں آئینی طریقے نال سلجھانا ہُندا اے۔