غزل
عاشق
اوہنوں ساڈے پیار تے عاشق کدوں بھروسا ہویا
بہتیاں قسماں کھادیاں اوہنوں شک وی بہتا ہویا
ہن نہیں کجھ وی کرنا پیندا سبھ کجھ آپے ہوندا
ایس زمانے دے وچ مرنا بڑا ای سوکھا ہویا
چھوٹا وڈا کوئی نہ ڈردا سارے لڑن نوں پھردے
اکھ دیاں شرماں مُک مُک گئیاں ہر کوئی ہوچھا ہویا
دوویں چانن کر سکدے ہاں گھاٹا وادھا کاہدا
اکھاں ٹڈ کے سورج نال ٹٹہنا اوکھا ہویا
عشق دا کر کے کسے دے دل دی اکھ وی کھلدی ہوسی
سچی گل اے ساڈے دل وچ وڈا موکھا ہویا
اپنی مرضی کردا سی بس آپ ہدرا ایہہ دل سی
ہرگل تے ایہ لڑدا سی گل گل تے روسا ہویا
عشق نے جہڑا مچ مچایا اس دھرتی دے اُتے
عاشق میرا تن من ایہدا موڈھی موچھا ہویا
