نعت شریف
عبدالحمید نظامی
لبھدی اے طیبہ پاک وچ دولت سُرور دی
ملدی اے عاشقاں نوں سعادت سُرور دی
ہندی اے برکھا نور دی دساں کیہ لفظاں نال
عاشق نبی دے جان دے نے فطرت سُرور دی
ہندے مدینے پاک وچ جلوے نے کیف دے
بندہ کرے محسوس جے عظمت سُرور دی
لِکھ دے توں چھیتی کاتبا میرے نصیب وچ
جاگی اے سینے وچ میرے حسرت سُرور دی
کیہڑی اے چیز جیہڑی سائل نوں ملدی نہیں
جھولی بھری ہے جاوندی سخاوت سُرور دی
اوتھے تے ہر مراد وی بن منگیاں آ ملے
ایہہ تے کرم ہے ویکھ لو کرامت سُرور دی
سوہنے دے کولوں سوہنے نوں منگ لے نظامیاؔ
سر نوں جھکا کے رکھ دئیں نسبت سُرور دی
