بین الاقوامی نعت خواں سرور نقشبندی دے اعزاز وچ تقریب دا پربندھ

محفل دی صدارت حفیظ تائب ؒ ہوراں دے بھرا جناب عبدالمجید مہناس چیئرمین حفیظ تائب فائونڈیشن ہوراں کیتی
تقریب دا اہتمام حفیظ تائب فائونڈیشن دے زیر اہتمام سرور نقشبندی دی پی ایچ ڈی دی ڈگری مکمل ہون دے اعزا ز وچ کیتا گیا

رپورٹ : علی بابر بٹ
فوٹو گرافی:علی قیصر گردیزی

حفیظ تائب فائونڈیشن دے پربندھ ہیٹھ الحاج سرور حسین نقشبندی نوں پی ایچ ڈی مکمل کرن تے اوہناں دے آدھر وچ اک پروقار بیٹھک دا اہتمام کیتا گیا جہدے وچ منے پرمنے پترکارتے دانشور سہیل وڑائچ ، فیصل ادریس بٹ ، بلال مجید منہاس ، اویس مجید منہاس ، سید علی اصغر عباس ، زاہد فخری ، عظمت چودھری ، ریاض مصطفی ، پیر بھولا جی ، مفتی نقیب الرحمن ، سنے کئی سیاسی و سماجی تے مذہبی راہنماواں نے رلت کیتی ، جد کہ محفل دی صدارت حفیظ تائب ؒ ہوراں دے بھرا جناب عبدالمجید مہناس چیئرمین حفیظ تائب فائونڈیشن ہوراں کیتی۔
تقریب نال خطاب کردیاں ہویاں مقررین نے الحاج سرور حسین نقشبندی دی علمی و ادبی تے مذہبی خدمات تے اوہناں نوں خراج تحسین پیش کیتا تے پی ایچ ڈی دی ڈگری مکمل ہون تے مبارکباد پیش کیتی ۔۔تقریب وچ حفیظ تائبؒ ہوراں دا کلام وی پڑھیا گیا ، الحاج سرور حسین نقشبندی نے حفیظ تائب فائونڈیشن تے اوہناں دے روح رواں عبدالمجید منہاس دا اک بھرویں تے خوبصورت تقریب دا اہتمام کرن تے شکریہ ادا کیتا ، اوہناں نے آکھیا کہ میں اج جو کجھ وی آں ایہدے وچ محترم حفیظ تائبؒ دی تربیت تے صحبت دا اثر اے۔تقریب دے اختتام تے پر تکلف افطاری دا اہتمام کیتا گیا سی۔آخیر وچ ملکی سلامتی تے حفیظ تائب دے درجات دی بلندی دی دعا منگی گئی۔