سرکار ؐویکھدے نیں
عبدالحمید نظامی
باطن دے نوروں پروردگار ویکھ دے نیں
جیہڑے نبی دا ظاہر دربار ویکھ دے نیں
سرکار سد لیا اے جناں نوں ایدکیں وی
جاکے اوہ جنتاں دی پئے بہار ویکھ دے نیں
صدیقؓ عمرؓ عثمانؓ تینوں علیؓ دے یار
میرے نبیؐ دے لوکیں شاہکار ویکھ دے نیں
بخشش دی اک نوید آقا سنائو سب نوں
سرکار تہاڈے ولے گہنگار ویکھ دے نیں
لوکیں مدینے جاکے قسم خدا دی یارو
ہندا ظہور حق دا اظہار ویکھ دے نیں
ایویں نہیں ہر کسے نوں صادق امین من دے
لوکیں تے پہلے یارو کردار ویکھ دے نیں
نانے دا دین تک کے کیتی نہیں اپنی پرواہ
کربل لٹا کے اپنا گھر بار ویکھ دے نیں
بوُ جہل کنج کھلوتا تعظیم آپ دی نوں
مکے دے سارے جڑ کے سردار ویکھ دے نیں
ہنجواں دے لیکے تحفے کسراں کھڑا تخیّل
عشق سخن چ ڈبے اشعار ویکھ دے نیں
قسم خدا دی میرا ایہہ وہم نہیں نظامیؔ
میں نعت لکھنا واں تے سرکار ویکھ دے نیں
