محفل میلاد پاک

عبدالحمید نظامی

اوہدیاں رحمتاں نے لائے آن ڈیرے اپنے گھر وچ جنے میلاد کیتا
کملی والے محبوب دے عشق اندر اسیں دل دا گلشن آباد کیتا
اوہنوں کدے وی کمی نیں آسکدی میرے آقا نوں جنے وی یاد کیتا
کملی والے محبوب دا ذکر کر کے اساں اپنا دل ہے شاد کیتا
کملی والے دے پاک میلاد دیاں آج خوشیاں ہر انسان کردا اے
سایہ اپنیاں خاص رحمتاں دا گنہگاراں تے آپ رحمان کردا اے
کائنات آج خوشیاں منارہی اے رب بخشش دے پیدا سامان کر دا اے
اے نظامیؔ محفل پاک سُن کے اپنے دل وچ غمی شیطان کردا اے
علم ہر شے دا سوہنے نوں رب دتا وَھو بکل شیئی علیم کہہ کے
پھر دی ویکھ لئو پورا نیں بھیت دتا حضرت موسیٰ نوں پیارے کلیم کہہ کے
شکل وچ محمد دی گھلیا اے اتے بلایا اے نور قدیم کہہ کے
نظامی اوس سی شان کی کیہہ لکھے جنوں رب سدے رئوف ا لرحیم کہہ کے
گنہگاراں لئی بنیا بہار ہو یا اے کملی والیا حسن وجمال تیرا
تیرے نور دا پاک جمال تک کے ہوگیا سی حبشی بلال تیرا
کئی ترسدے گئے جہان اتوں کئیاں مرکے پایا وصال تیرا
اوہ تے تاج سکندر نوں تکدے نیں جہڑے ویکھ دے جاہ جلال تیرا
جہڑے دل وچ بھورا اے عشق اوہدا کملی والے نوں نور تسیلم کردا اے
اللہ والیاں دے لڑ لگ جاند اے اوہدی ہر کوئی بڑی تعظیم کردا اے
جہڑا بشر بشر دی رٹ لاوندا اے اوہدا فیصلہ رب کریم دا اے
نظامیؔ بخدی بناکے اوس تئیں سارے جگ دی خشکی تقسیم کر دا اے
اپنے گھر وچ اساں میلاد کیتا سوہنی محفل سجائی سرور آیا
کملی والے محبوب دے عشق اندر کیتی مدح سرائی سرور آیا
نعت خواناں میرے محبوب والی جدوں نعت سُنائی سرور آیا
نظامیؔ آقا دے آون دی خوشی اندر ونڈی اساں مٹھائی سرور آیا