نیشنل دیزاسٹر مینجمنٹ اتھارٹی نے کورونا نال نبڑن لئی پاکستانی سفارتی مشنز توں مدد منگ لئی

اسلام آباد: نیشنل ڈیزاسٹرمینجمنٹ اتھارٹی نے کورونا نال نبڑن لئی پاکستانی سفارتی مشنز توں مدد منگ لئی۔ وزارت خارجہ نوں خط دے راہیں پاکستان نوں درکار سازوسامان دی فہرست وی گھل دتی گئی۔

این ڈی ایم اے نے خط وچ آکھیا اے سفارتی مشنز، پاکستانی کمیونٹی ، ڈونرز، مخیر حضرات تے اداریاں توں مدد حاصل کرن، پاکستانی مشنز، مینوفیکچررز تے سپلائرز نال رابطیاں وچ وی تعاون کرن، وزارت خارجہ نوں ضروری سازوسامان دی فہرست بیرون ملک مشنز دے ساہمنے رکھن دی درخواست کیتی اے۔

این ڈی ایم اے دے مطابق کورونا نال نبڑن لئی 2کروڑ سرجیکل ماسک،20 لکھ ہینڈ سینی ٹائزرز، 1 لکھ تھرمل گنز، ڈھائی لکھ این 95 ماسک دی لوڑاے، 10 ہزار وینٹی لیٹرز، 1 لکھ پی سی آرلیب کٹس، 50 لکھ بائیو ہیزرڈ بیگز وی درکار نیں۔

تن لکھ 85 ہزار ڈسپوزایبل شو کورز، 3 لکھ 89 ہزار ہیڈکوارٹرزدی لوڑ اے، 500 موبائل ایکسرے مشینز، 22 ہزار چشمیاں دا بندوبست کیتا جاوے۔