کورونا دا مقابلہ کر سکنے آں وفاقی حکومت اپنی سوچ وچ تبدیلی لیاوے: بلاول

کراچی: پیپلزپارٹی دے چیئرمین بلاول بھٹو زرداری دا کہنا اے پاکستان ایس بیماری دا مقابلہ کر سکدا اے تے ایہدے لئی وفاقی حکومت اپنی سوچ وچ تھوڑی جہی تبدیلی لیاوے۔

کراچی وچ پریس کانفرنس دے دوران بلاول آکھیا اللہ جدوں امتحان لیندا اے تے ایہنوں برداشت کرن دی ہمت وی دیندا اے، کورونا وائرس نال نبڑن لئی کوششاں کر رہے آں، سانوں ایس مشکل ویلے وچ قواعد تے ہدایات تے عمل کرنا اے۔

ڈرن تے خوفزدہ ہون دی کوئی وجہ نہیں، پاکستان ایس بیماری دا مقابلہ کر سکدا اے، میں جاننا آں ساڈے وچ وائرس دا مقابلہ کرن دی صلاحیت اے، وفاقی حکومت اپنی سوچ وچ تھوڑی جہی تبدیلی لے کے آئے۔

وفاق تے صوبیاں نوں تنقید تے پوائنٹ سکورنگ دی کوئی لوڑ نہیں۔ حکومت دی ذمہ داری اے کہ لوکاں دی جاناں تے معیشت نوں بچائے، سانوں دوواں محاذاں تے جنگ لڑنی پوے گی۔ شہری ایس مشکل ویلے وچ حکومت دا ساتھ دین۔