کچے دا آپریشن تے بہترین کمانڈ آفیسر

دنیا دے کسی وی ملک وچ پلس دا کردار انتہائی اہمیت دا حامل ہوندا اے

تحریر ؛عبدالخالق

دنیا دے کسی وی ملک وچ پلس دا کردار انتہائی اہمیت دا حامل ہوندا اے ۔ کسی وی ہنگامی صورتحال وچ شہری پلس دی مدد طلب کردے نیں تے پلس تحفظ وچ اپنے آپ نوں محفوظ تصور کردے نیں۔ سندھ پلھ وچ بہادر افسراں دی کمی نہیں اے جہناں وچ اک پلس افسر تنویر حسین تنیو نیں جہناں دا نام ای جرائم پیشہ افراد لئی خوف دی علامت اے۔ سندھ حکومت نے مختلف اہداف دی تکمیل لئی تنویر حسین تنیو نوں ذمہ واری سونپی جتھے اوہناں نے اپنی ذمہ واری نوں بخوبی احسن طریقے نال نبھایا تے سرخرو ہوئے۔
ایس ویلے سندھ حکومت نے کچے دے ڈاکوواں دی سرکوبی لئی تنویر حسین تنیو نوں ضلع گھوٹکی وچ مقرر کیتا ہویا اے۔ تنویر تنیو نوں ذمہ اوری سونپی جتھے اوہناں نے اپنی ذمہ واری نوں بخوبی احسن طریقے نال نبھایا تے سرخرو ہوئے ایس ویلے سندھ حکومت نے کچے دے ڈاکوواں دی سرکوبی لئی تنویر حسین تنیو نوں ضلع گھوتکی وچ مقرر کیتا ہویا اے۔ تنویر تنیو 2008 وچ سندھ پلس وچ تعینات ہوئے۔ 36 کامن دے افسر نیں گریڈ18وچ پہلی پوسٹنگ 2014وچ گلسن دی سنبھالی تے فیر کامیابیاں دا سلسلہ شروع ہو گیا۔
3مہینے ایس پی گلشن تعیناتی مگروں 2014 توں 2016 سکھر تعینات رہے۔ 2016توں 2017نواب شاہ 2017توں 2018لاڑکانہ 2018توں 2020تک فیر نواب شاہ تے فیر کورس اتے چلے گئے تے فیر واپس آندے ایس ایس پی نواب شاہ تعینات کردتے گئے تے اوسے وقت گریڈ18توں گریڈ19وچ ترقی حاصل کیتی۔ 2021توں 2022تک شکار پور رہے تے ہن ایس ایس پی گھوٹکی تعینات نیں۔ گھوٹکی وچ اجے پچھلے دناں ڈاکوواں نے پنج پلس اہلکاراں تے افسراں نوں شہید کردتا سی۔
ایہہ تے انکوائری وچ ای پتہ چلے گا کہ گھوٹکی واقعہ کیویں پیش آیا۔ جے گل کیتی جاوے تنویر حسین تنیو دی تے اوہناں دے دامن اتے کامیابیاں دے بہت سارے واقعات نیں۔ اوہ جرم کرن والیاں نوں اپنے انجام تک ای پہنچا کے چھڈدے نیں تے چھیتی ای روانٹی واقعہ دے وی ڈاکو نما ات گرد جہنم رسید ہون گے۔ ضلع شکار پور وچ ودھدی ہوئی اغوا برائے تاوان دی وارداتاں اتے سندھ حکومت نے فوری طور تے تنویر تنیو نوں شکار پور وچ تعیانت کیتا جتھے تنویر تنیو نے انتہائی مہارت تے پروفیشنل طریقے نال پلس افسراں نوں شہید کر کے بکتر بند گڈی اتے ٹک ٹاک ویڈیو بنان والے ڈاکوواں نوں جہنم رسید کیتا جہناں اتے سندھ حکومت نے دو کروڑ روپے انعام رکھیا ہویا سی بلکہ ایہو نہیں۔
تنویر تنیو نے جمعیت علما اسلام دے جنرل سیکرٹری سینیٹر ڈاکٹر خالد محمود سومرو دے انھے قتل دا وی سراغ لا کے ملزماں نوں گرفتار کیتا تے انصاف دے کٹہرے وچ کھڑا کیتا۔ اوہناں دی ناقابل تردید خدمات دے اعتراف وچ سندھ حکومت نے اوہناں نوں تمغہ شجاعت لئی نامزد کیتا۔ تنویر تنیو محراب پور وچ قتل ہون والے صحافی عزیز میمن دی جے آئی تی دے ممبر وی سن جتھے اوہناں نے اپنے افسراں دی سرپرستی وچ لمی جدوجہد مگروں صحافی عزیز میمن قتل کیس دے ملزماں نوں گرفتار کیتا۔ صحافی عزیز میمن دے سفاکانہ قتل توں پاکستان بھر وچ تھرتھلی مچی ہوئی سی تے ملک بھر دی صحافی برادری سراپا احتجاج سی۔
سندھ وچ نسوانی آواز وچ اغوا دی وارداتاں دی روک تھام لئی سندھ حکومت نے اوہناں دا تبادلہ ضلع گھوٹکی وچ کردتا جتھے اوہ جرائم پیشہ افراد دی بنچ کنی لئی مسلسل کوشاں نیں۔ سندھ وچ جاری بدامنی کیس وچ سرکٹ بینچ سندھ ہائیکورٹ سکھر وچ اوہناں دا کہنا سی کہ جے حکومت مینوں جدید ہتھیار دے تے میں کچے توں 6مہینے وچ ڈاکوواں دا خاتمہ کراں گا نہیں تے استعفیٰ دے کے گھر چلا جاواں گا جہدے اتے سندھ حکومت نے فوری طور تے جدید ہتھیاراں دی خریداری لئی فنڈ وی مختص کیتے نیں۔ پچھلے مہینے یوم پاکستان دے موقع تے صدر پاکستان ڈاکٹر عارف علوی نے اوہناں دی خدمات دے اعتراف وچ اوہناں نوں تمغہ شجاعت نال نوازیا اے۔ ایس ایس پی تنویر حسین تنیو انتہائی پروفیشنل افسر نیں جدید تکنیک تے سائنسی بنیاداں اتے ٹیکنالوجی استعمال کردیاں مجرماں تک پہنچدے نیں۔ اوہناں دی پہلی ترجیح ایہہ ہوندی اے کہ مینوں مکمل طور تے فری ہینڈ دتا جاوے تے کسی وی قسم دا سیاسی دبائووی قبول نہیں کراں گا۔
لوڑ ایس امر دی اے کہ جے پاک دھرتی توں جرائم پیشہ افراد دی ات گردی نوں کچلنا اے تے تنویر حسین تنیو جئے افسراں نوں سپورٹ کرنا ہووے گا ورنہ ریاست دے اندر ریاست بندی رہووے گی۔