سچی گل
سید فراست بخاری
آئو کریئے پیار دی گل
سچے قول قرار دی گل
رب وی کردا عرشاں اُتے
اپنے پیارے یار دی گل
نبیاں وی رج رج کیتی
نبیاں دے سردارؐ دی گل
ممبر تے میدان وچ ہوندی
صفدر حیدر کرار دی گل
خالق تے مخلوق پئے کردے
سخی حسینؑ سرکار دی گل
عباس ہے شاہ وفاواں دا
خوب اے علمدار دی گل
اقبال اے قومی شاعر ساڈا
کردا سوچ وچار دی گل
محمدعلی جناح اے قائد
کریئے سوہنی کار دی گل
جنہے سُتی قوم جگائی
اک بھٹو ذوالفقار دی گل
قدیر ایٹم بمب بنایا
دیس دے حب دار دی گل
نواز دھماکہ کر وکھایا
جرأت دے اظہار دی گل
عوام دی خاطر واری جان
بے نظیر غمخوار دی گل
پیارے دیس دے سب وسنیک
کرن دیس سنگھار دی گل
پھُلاں دے نال کرنی پیندی
ایتھے یارو خار دی گل
فراست رَل مِل سارے کریئے
عزت نال وقار دی گل
