کرونا: پاکستان پوسٹ دا پنشنرز نوں واجبات گھراں دی دہلیز تک اپڑان دا اعلان

اسلام آباد: کرونا وائرس دی روک تھام لئی پاکستان پوسٹ نے 13لکھ پنشنرز نوں اوہناں دے واجبات گھراں دی دہلیز تک اپڑان دا اعلان کر دتا۔

وفاقی وزیر مراد سعید دا کہنا سی پنشنرز دی سلامتی دا پورا احساس اے، وڈی عمر دے لوکاں لئی کرونا نہایت مہلک اے، بزرگاں نوں پنشن دی وصولی لئی کسے خطے وچ نہیں پاواں گے، وزیراعظم دی خصوصی ہدایت تے 13لکھ پنشنرز نوں اوہناں دی پنشن گھر دی دہلیز تک اپڑاواں گے، پنشن دی تقسیم لئی سارے انتظامات پورے کر لئے نیں۔