نادرا سنے عوامی رابطے بارے سارے وفاقی سرکاری و نیم سرکاری دفاتر بند

اسلام آباد: وزارت داخلہ نے کرونا وائرس دا پھیلاؤ روکن لئی اہم فیصلہ کردیاں پبلک ڈیلنگ (عوامی رابطے) بارے سارے سرکاری و نیم سرکاری دفتراں نوں دو ہفتیاں لئی بند کر دتا۔

وزیراعظم دی معاون خصوصی برائے اطلاعات فردوس عاشق نے ٹوئٹ کردیاں دسیا حکومتی فیصلے دے تحت نادرا، پاسپورٹ اینڈ امیگریشن، سی ڈی اے دے ون ونڈو سنے سارے اجہے شعبہ جات جتھے عوام دا براہ راست عمل دخل تے ڈیلنگ شامل اے ایہنوں وی دو ہفتیاں لئی بند کر دتا گیا اے۔

کرونا وائرس دے ممکنہ خدشات دے پیش نظر 15دناں لئی ایکسائز اینڈ ٹیکسیشن، پراپرٹی دفاتر، پارلرز تے بیوٹی سیلون وی بند رہن گے، شاپنگ مال رات 10وجے بند کر دتے جان گے، پر عوام دی سہولت دے پیش نظر ریستوران، فوڈ آؤٹ لیٹ کھلے رہن گے جتھے صرف ٹیک اوے (کھانا گھر لے جان) دی سہولتاں میسر رہن گیاں۔