(ن) لیگ نوں خود نوں مسخراں دی انجمن دے طوراُتے رجسٹرڈ کروالینا چاہیدا اے،تحریک انصاف

ججاں ،جرنیلاں دے احتساب توں شروع ہون والا سلسلہ معاملات الل دے سپرد کرن اُتے تمام ہویا ، ترجمان
لہور(پنجابی میڈیا گروپ ) پاکستان تحریک انصاف نے آکھیا اے کہ سیاسی پروگرام توں محروم (ن) لیگ اپنے سیاسی بیانیے دے معاملے اُتے قلابازیاں لا رہی اے ،(ن) لیگ نوں خود نوں مسخراں دی انجمن دے طور اُتے رجسٹرڈ کروالینا چاہیدا اے ۔ ترجمان تحریک انصاف نے اپنے بیان وچ آکھیا کہ (ن) لیگ دی پوری لیڈرشپ الٹیاں سیدھیاں قلابازیاں لان وچ مصروف اے، پچھلے 2 ہفتیاں دے دوران مسخراں داگروہ بیان اُگلن تے نگلن، اک لَت اُتے گھومن تے پیر سر اُتے رکھ کے نَسن دیاں صلاحیتاں دا مظاہرہ کررہا اے ، ججاں تے جرنیلاں دے احتساب توںشروع ہون والا سلسلہ معاملات اللہ دے سپرد کرن اُتے تمام ہویا اے، صاف شفاف الیکشن شرانگیزاں دے ایس گروہ دی سیاست دے تابوت وچ آخری کیل ثابت ہوئے گا۔