پاکستان وچ ڈینگی 72 فیصد نوجوان نسل نوں متاثر کر رہیا اے، ڈاکٹر جاوید اکرم

پنجاب دے تعلیمی اداریاں وچ بالاں نوں پنک آئی دے مرض توں بچان لئی احتیاطی تدابیراں اپنانیاں چاہیدیاں نیں
لہور (پنجابی میڈیا گروپ)نگران صوبائی وزیر صحت پروفیسر ڈاکٹر جاوید اکرم نے کنگ ایڈورڈ میڈیکل یونیورسٹی دی چھتر چھاویں ڈینگی تے پنک آئی دے مرض بارے منعقدہ آگاہی سیمینار وچ اُچیچے پروہنے رَلت کیتی۔ایس موقع اُتے وائس چانسلر پروفیسر ڈاکٹر محمود ایاز، ڈی جی ہیلتھ سروسز پنجاب ڈاکٹر الیاس گوندل، پروفیسر ڈاکٹر محمد معین، ڈاکٹر صومیہ اقتدار، ڈائریکٹر ای پی آئی پنجاب ڈاکٹر مختار اعوان، ڈائریکٹر سی بی سی ڈاکٹر یداللہ، پرنسپل ساہیوال میڈیکل کالج و چیئرمین ڈینگی ایکسپرٹ ایڈوائزری گروپ پروفیسر عمران حسن، عالمی ادارہ صحت توں یحییٰ گلزار، یونیسف توں ڈاکٹر صائمہ، واصف ناگی تے طالب علماں دی وڈھی تعداد نے رَلت کیتی۔نگران صوبائی وزیر صحت پروفیسر ڈاکٹر جاوید اکرم نے آکھیاکہ سنگاپور، سوئٹزر لینڈ تے بھارت سنے دنیا دے 139ملکاں نوں ڈینگی دے مرض دا سامنا اے۔