عورتاں دی ترقی تے حقوق لئی بھرپور اقداماں دی لوڑ اے، صدر مملکت

کا وومن بزنس نیٹ ورک دی چھتر چھاویں ”رائزنگ وویمن 2023” دے موضوع اُتے منعقدہ تقریب نال خطاب
اسلام آباد(بیورپوروٹ)صدر مملکت ڈاکٹر عارف علوی نے عورتاں دی ترقی و حقوق لئی بھرپور اقداماںدی لوڑاُتے زور ددیندیاں ہویاں آکھیا اے کہ عورتاں نوں معاشی طوراُتے مضبوط بنان لئی اونہاں نوں کاروبار وچ یکساں موقعے فراہم کرنا ہون گے، پاکستان دی50 فیصد آبادی نوں پیداواری افرادی قوت وچ تبدیل کرن لئی عورتاں دی مالی شمولیت ناگزیر اے،عورتاں نوں انفارمیشن ٹیکنالوجی ذریعے اپنے کاروبار دے شروع وچ مدد کرنا اونہاں نوں بااختیار بنان دا تیز ترین رستہ اے۔ ایہہ گلاں اونہاں نے بدھ نوں ایتھے ایوان صدر وچ وومن بزنس نیٹ ورک دی چھتر چھاویں ”رائزنگ وویمن 2023” دے موضوع اُتے منعقدہ تقریب نال خطاب کردیاں ہویاں کیتیاں۔ صدر مملکت نے آکھیا کہ عورتاں نوں تعلیم، ملازمت تے سیاسی شعبیاں وچ مساوی مواقع فراہم کرن دی لوڑ اے تاکہ اونہاں نوں مرکزی دھارے وچ شامل کاروباری اداریاں وچ مناسب جگہ حاصل کرن وچ مدد مل سکے۔