پی ٹی آئی نے الیکشن مہم دی اجازت نہ ملن اُتے عدالت وچ درخواست دائر کردتی

ضلعی انتظامیہ تے پلس الیکشن مہم وچ رکاوٹاں پا رہی اے، درخواست گزار داموقف
پشور (بیوروروپورٹ)پشور ہائی کورٹ وچ صوبائی صدر پاکستان تحریکِ انصاف علی امین تے ہوراں رہنماواں نے الیکشن مہم دی اجازت نہ دین دے خلاف درخواست دائر کر دتی۔عدالت وچ دائر کیتی گئی درخواست وچ صوبائی حکومت تے آئی جی پلس نوں فریق بنایا گیا اے۔درخواست گزار نے موقف اختیار کیتا کہ ضلعی انتظامیہ تے پلس الیکشن مہم وچ رکاوٹاں پا رہی اے۔درخواست گزار نے دسیا کہ ہور سیاسی جماعتاں نوںالیکشن مہم تے جلسیاں دی اجازت اے لیکن پی ٹی آئی نوں نہیں۔درخواست گزار نے آکھیا کہ کرک وچ ورکر کنونشن اُتے پلس نے شیلنگ کیتی تے کارکناں نوں پھڑ لیا۔درخواست وچ استدعا کیتی گئی کہ پی ٹی آئی نوں پُرامن الیکشن مہم دی اجازت دتی جائے۔