عمران خان نے توشہ خانہ وچ نااہلی معطل کران لئی عدالت نال رجوع کرلیا

الیکشن کمیشن نے توشہ خانہ کیس وچ سزا دے بعد نااہلی دانوٹیفکیشن جاری کیتا تے چیئرمین پی ٹی آئی نوں الیکشن وچ حصہ لین لئی نااہل قرار دتا گیا، درخواست
اسلام آباد(بیوروروپورٹ)چیئرمین پی ٹی آئی عمران خان نے توشہ خانہ وچ الیکشن کمیشن توں نا اہلی دا فیصلہ معطل کران لئی عدالت نال رجوع کرلیا۔عمران خان نے نااہلی دا فیصلہ معطل کران لئی اسلام آباد ہائیکورٹ نال رجوع کیتا اے۔چیئرمین پی ٹی آئی ولوں دائر درخواست وچ مؤقف اختیارکیتا گیا کہ الیکشن کمیشن نے توشہ خانہ کیس وچ سزا دے بعد نااہلی دانوٹیفکیشن جاری کیتا تے چیئرمین پی ٹی آئی نوں الیکشن وچ حصہ لین لئی نااہل قرار دتا گیا۔درخواست وچ استدعا کیتی گئی کہ چیئرمین پی ٹی آئی دی نااہلی دانوٹیفکیشن توشہ خانہ کیس وچ سزا دی بنیاداُتے جاری ہویا ایس لئی الیکشن کمیشن توں جاری نااہلی دا نوٹیفکیشن معطل کیتاجائے۔واضح رہے کہ اسلام آباد ہائیکورٹ نے توشہ خانہ کیس وچ چیئرمین پی ٹی آئی عمران خان دی سزا معطل کرکے اونہاں نوں رہائی داحکم دتا سی۔