اڈیالہ جیل دے باہر چیئرمین پی ٹی آئی داجنم دیہاڑ منان والا15 دن لئی نظربند
راولپنڈی( پنجابی میڈیا گروپ) اڈیالہ جیل دے باہر تحریک انصاف دے چیئرمین عمران خان دا جنم دیہاڑ منان والے نوں 15 دناں لئی نظر بند کردتا گیا۔پی ٹی آئی دے کارکن ذیشان دراز دی 15 دناں لئی نظربندی دا نوٹیفکیشن جاری کردتا گیا۔ ذیشان دراز نوں اڈیالہ جیل دے باہر چیئرمین پی ٹی آئی عمران خان دا جنم دیہاڑ مناندیاں ہویاں حراست وچ لیا گیا سی۔ پی ٹی آئی کارکن نوں تھری ایم او تحت اڈیالہ جیل وچ نظر بند کیتا گیا۔ پلس نے ذیشان دراز دی اک مہینے لئی نظر بندی دی سفارش کیتی سی ۔پی ٹی آئی کارکن ذیشان دراز وزیرستان توں سائیکل اُتے اڈیالہ جیل پہنچیا سی جس نوںپلس نے پچھلی شام اڈیالہ جیل دے باہر وں حراست وچ لئیا سی۔ ذیشان دراز نوں اشتعال انگیز تقریر کرن اُتے نظر بندی دی سفارش کیتی گئی سی۔
