حکومت ولوں 4 مہینیاں دا منی بجٹ پیش کرن دیاں تیاریاں

راولپنڈی ( پنجابی میڈیا گروپ) نگران حکومت نے دوبارہ 4مہینیاں دا عارضی منی بجٹ پیش کرن دیاں تیاریاں ایس ہفتہ وچ ہی شروع کرن دا فیصلہ کیتا اے نوا عبوری بجٹ یکم نومبر توں28 فروری تک دا بنایا جائے گا۔قنون آئین مطابق نگران حکومت 4مہینیاں توںوَدھ دا بجٹ نہیں بنا سکدی۔ سارے ترقیاتی اداریاں، پنجاب حکومت تے سالانہ ترقیاتی پروگرام دے عبوری بجٹ31اکتوبر نوں ختم ہوجان گے، ایس مہینے اکتوبر وچ نویں منی بجٹ پیش نہ کرن اُتے یکم اکتوبر توں سارے سرکاری اداریاں،سالانہ ترقیاتی پروگرام دے خرچے غیر قنونی بن جان گے۔موجودہ نگران حکومت نے وزارت خزانہ نوں ختم ہون والے 4 مہینیاں دے بجٹ نوں ہی دوبارہ کجھ تبدیلیاں نال پیش کرن دی ہدایت کیتی اے۔ نویں عبوری بجٹ وچ کسی وی ادارہ نوں نویاں ترقیاتی سکیماں لئی کوئی فنڈ نہیں دتا جائے گا،صرف سالانہ ترقیاتی پروگرام وچ موجود فنڈز نال ہی جاری اسکیماں مکمل کیتیاں جاسکن گیاں۔