نواز شریف دا مثالی استقبال کراںگے ،اج توں تاجراں نال رابطہ مہم شروع کر رہے نیں، نعیم میر

12اکتوبر نوں ماڈل ٹائون وچ تاجر کنونشن منعقد کیتا جائے گا ،صدارت شہباز شریف کرن گے
لہور( پنجابی میڈیا گروپ)آل پاکستان انجمن تاجران دی سپریم کونسل دے چیئرمین نعیم میر نے آکھیا اے کہ ساریاں تاجر تنظیماں مسلم لیگ (ن) دے قائد نواز شریف دامثالی استقبال کرن گیاں ، تاجراں نوں متحرک کرن لئی اج ( ہفتہ ) توں ساریاں مارکیٹاں وچ تاجر رابطہ مہم داآغاز کیتا جارہیا اے جدکہ 12اکتوبر نوں ماڈل ٹائون وچ تاجر کنونشن منعقد کیتا جائے گا جس دی صدارت شہباز شریف کرن گے جس وچ مریم نواز تے حمزہ شہباز نوں وی کنونشن وچ مدعو کیتا جائے گا۔ چوہدری عامر صدیق، شاہد نذیر، سہیل محمود بٹ ،حافظ رضوان بٹ سنے ہور تاجر رہنماواں دے ہمراہ پریس کلب وچ پریس کانفرنس کردیاں ہویاں نعیم میر نے آکھیا کہ لہور شریف خاندان ،نوازشریف تے شہباز شریف دیاں محنتاں تے محبت دے تھلے دبیا ہویا اے ، لہور شہر دے تاجر شایان شان استقبال کر کے نوازشریف دیاں محبتاں تے محنتاں دا قرض چکان گے۔