بجلی چوراں دے خلاف آپریشن جاری ،ہور643 افراد بجلی چوری کردیاں پھڑے گئے
10لکھ14ہزار 228یونٹ ڈٹیکشن بل دی مد وچ چارج ، مالیت 5کروڑ24لکھ18ہزار723روپے بن دی اے، ترجمان
لہور( پنجابی میڈیا گروپ) لہور الیکٹرک سپلائی کمپنی دے پنجاں ضلعیاں وچ بجلی چوراں دے خلاف 29ویں دن دے آپریشن دے دوران 643 افراد بجلی چوری کردیاں پھڑے گئے ، پھڑے جان والے کنکشناں وچ کمرشل22،انڈسٹریل2، زرعی 12 تے 607 ڈومیسٹک سن۔ترجمان لیسکو دے مطابق سارے کنکشن منقطع کرکے 10لکھ14ہزار 228یونٹ ڈٹیکشن بل دی مد وچ چارج کیتے گئے جنہاں دی مالیت 5کروڑ24لکھ18ہزار723روپے بن دی اے۔ترجمان دے مطابق بھامنی والا دے علاقے وچ بجلی چور نوں3099786 روپے ،نسبت روڈ لہور وچ 1000000 روپے ،پھولنگر وچ740320 روپے ،گوالمنڈی وچ بجلی چور نوں ڈیٹیکشن بل دی مد وچ700000 روپے جرمانہ کیتا گیا ۔
