غیر قنونی وَسن والے غیر ملکیاں نوں 31 اکتوبر تک پاکستان چھڈنا ہوئے گا،نگران وزیراطلاعات
غیر قنونی وسن والے افراد دی گرفتاری تے ملک بدری یقینی بناواں گے، مرتضیٰ سولنگی دا بیان
اسلام آباد(بیوروروپورٹ)نگران وزیراطلاعات مرتضیٰ سولنگی نے آکھیا اے کہ غیر قنونی وَسن والیاں دی گرفتاری تے ملک بدری یقینی بناواں گے۔ اک بیان وچ نگران وزیر اطلاعات مرتضیٰ سولنگی نے آکھیا کہ غیر قنونی تے غیر ملکی افراد دا انخلا، صرف 25 دن باقی نیں، غیر قنونی وَسن والے غیر ملکیاں نوں31 اکتوبر تک پاکستان چھڈنا ہوئے گا ۔ اونہاں نے آکھیا کہ غیر قنونی وسن والیاں دی گرفتاری تے ملک بدری یقینی بناواں گے۔واضح رہے کہ حکومت نے پاکستان وچ غیر قنونی وسن والے ساریاں غیر ملکیاں نوںملک بدر کرن دا حتمی فیصلہ کیتا اے جس لئی اونہاں حکومت ولوں 31 اکتوبر دی ڈیڈلائن دتی گئی۔
