امریکی ڈالرہور سستا، اسٹاک ایکسچینج وچ وی مثبت رجحان
کراچی(پنجابی میڈیا گروپ) انٹر بینک وچ ڈالرداریٹ ہور اک روپیہ ہو گیا جدکہ پاکستان اسٹاک ایکسچینج وچ وی کاروبار دا مثبت رجحان ویکھا جا رہیا اے۔کاروباری ہفتے دے آخری دن انٹر بینک وچ ڈالر دا ریٹ اک روپیہ گھٹ ہو کے 282 روپے 62 پیسے اے جیہڑا پچھلے کاروباری دن دے اختتام اُتے 283 روپے 62 پیسے دا سی۔اوپن مارکیٹ وچ وی ڈالر دا ریٹ 2 روپے سستا ہو کے 282 روپے دا اے۔روپیہ ہور تگڑا، ڈالر 6 مہینیاں دی گھٹ ترین سطح اُتے آگیااُدھر پاکستان اسٹاک ایکسچینج وچ وی کاروبار دا مثبت رجحان ویکھا جا رہیا اے تے 100 انڈیکس 92 پوائنٹ ودھے 47544 اُتے ٹریڈ کر رہیا اے۔خیال رہے کہ پاکستانی روپے دے مقابلے وچ امریکی ڈالر اپنی اُچی ترین سطح توں 24 روپے 48 پیسے گھٹ ہو چکیا اے۔
