پاکستان وچ آفتاں توں نمٹن لئی مضبوط ادارہ جاتی ڈھانچہ موجود اے: نگران وزیراعظم

اسلام آباد( پنجابی میڈیا گروپ)نگران وزیراعظم انوار الحق کاکڑ نے آکھیا اے کہ پاکستان وچ آفتاں توں نمٹن لئی اک مضبوط تے متحرک ادارہ جاتی ڈھانچہ موجود اے۔نیشنل ریزیلینس ڈے اُتے اپنے پیغام وچ انوار الحق کاکڑ دا کہنا سی کہ نیشنل ڈیزاسٹر مینجمنٹ اتھارٹی تے صوبائی ڈیزاسٹرمینجمنٹ اتھارٹیاں دی صورت وچ آفتاں توں نمٹن لئی اک مضبوط تے متحرک ادارہ جاتی ڈھانچہ موجود اے، ضلعی سطح اُتے آفتاں توں نمٹن لئی انتظام وانصرام دے نظام نوں مضبوط کرن دی لوڑ اے۔نگران وزیراعظم دا کہنا سی کہ 8 اکتوبر نوں نیشنل ریزیلینس ڈے پاکستان تے آزاد جموں و کشمیر دی عوام دے ایس ناقابل تسخیر جذبے نوں خراج تحسین پیش کرن دے طوراُتے منایا جاندا اے جنہاں نے ہولناک تے تکلیف دہ آفت دا ہمت نال مقابلہ کیتا، ایہ دن ساہنوں ایہ وی یاد دلاندا اے کہ اسیں اک ایسے علاقے وچ رہندے ہاں جیتھے آفتاں دے خطرے موجود نیں۔اونہاں نے آکھیا کہ پاکستان وچ آفات تے موسمیاتی تبدیلیاں دے سنگین خطریاں دے تناظر وچ حکومت آفتاں توں نمٹن دے انتظام وانصرام دیاں صلاحیتاں وچ ودھا، ایس حوالے نال مطلوبہ قنون سازی، خطریاں توں نمٹن دی صلاحیت اُتے مبنی گورننس ونوں فروغ دین، موسمیاتی لحاظ نال موزوں بنیادی ڈھانچہ دی تعمیر تے سب توںوَدھ کے موافقت وچ اودھا لئی پرعزم اے۔