نوازشریف دے بغیر ملک رُل گیا، مریم نواز

لہور( پنجابی میڈیا گروپ)مسلم لیگ ن دی سینئر نائب صدر تے چیف آرگنائزر مریم نواز نے آکھیا کہ نوازشریف دے بغیر ملک رل گیا، اسیں لوکاں دے دلاں نوں جوڑاں گے۔مسلم لیگ دی سینئر نائب صدر تے چیف آرگنائزر مریم نوازشریف نے حلقہ این اے 135 وچ جلسہ نال خطاب کردیاں ہویاں آکھیا کہ سمجھ نہیں آرہی اج8اکتوبر اے یا21اکتوبر، اج اک حلقے دا ایہ عالم اے تے 21 اکتوبر نوں کیہ عالم ہوئے گا،21اکتوبر نوں پاکستان دا لیڈر نوازشریف واپس آرہیا اے۔مریم نوازشریف نے آکھیا کہ جیہڑا شخص 21 اکتوبر نوں واپس آرہیا اے اوس نے اقتدار دے دن گھٹ تے مشکلاں دے وَدھ ویکھے،7ورھیاں توں جیہڑی اُداسی پاکستان اُتے چھائی سی اوہ اُمید وچ بدلدی جارہی اے، نوازشریف نے اپنے دور وچ مہنگائی ودھن نہیں دتی، نواز شریف دور وچ چینی 50 تے آٹا 35 روپے کلو سی۔ن لیگ دی چیف آرگنائزر نے آکھیا نوازشریف نے ڈالر نوں 99 توں105روپے تک محدود رکھیا، لوڈشیڈنگ وی نواز شریف دے دور وچ ختم ہوئی، نوازشریف دور وچ مہنگائی 2فیصد سی اج دِن بَدن اُتے جارہی اے۔مریم نوازشریف نے آکھیا کہ شیر نوں ہران تے مٹان والے کئی آئے تے کئی گئے، شیر اوتھے ہی کھڑا اے، اج پاکستان دے کونے کونے توں آوازاں آرہیاں نیں کہ وزیراعظم نوازشریف، اج سفید پوش دے گھر بیماری آجائے تے سوچدا اے بل ادا کراں یا دوائی لاں، سازش ذریعے نوازشریف نوں2017 وچ اقتدار توں نہ کَڈیا جاندا تے اج پاکستان داایہ حال ہُندا؟مسلم لیگ ن دی سینئر نائب صدر نے ہور آکھیا بجلی دے مہنگے مہنگے بل آرہے نیں، لوگ سوچدے نیں کہ گھر ویچیئے یا بجلی دا بل دیئے، قوم دے نال ایہ ظلم کیوں کیتا کہ نوازشریف نوں4 ورھیاں بعد دفتروں کَڈ دتا، ٹھوکر نیاز بیگ والیاں توں پوچھنا چاہندی ہاں سی پیک کس نے بنایا؟ سڑکاں دا جال پورے پاکستان وچ کس نے ویچھایا؟ پاکستان نوں ایٹمی طاقت کس نے بنایا؟ کراچی وچ گرین لائن منصوبہ کس نے بنایا؟ 14 ہزار میگاواٹ بجلی دے کارخانے کس نے لائے؟مریم نوازشریف نے خطاب کریاں ہویاں ہور آکھیا اَتگردی وی نوازشریف دے دور وچ ختم ہوئی، لوڈشیڈنگ وی نوازشریف دے دور وچ ختم ہوئی، 14ہزار میگاواٹ بجلی دے منصوبے وی نوازشریف دے دور وچ لگے، نوازشریف نے 4 ورھیاں وچ دھرنیاں دے باوجود ترقیاتی منصوبے ملک نوں دتے۔مسلم لیگ ن دی سینئر نائب صدر نے آکھیا کہ نوازشریف دے دور وچ مہنگائی 2 فیصد سی ہن دن بدن اُتے جارہی اے، نوازشریف دے علاوہ کوئی ایسا وزیراعظم آیا ہوئے جس نے 4 ورھیاں وچ کسی شے دی قیمت نہیں ودھن دتی ہوئے ؟