وزیراعلی پنجاب نے سپیڈو،میٹرودا کرایہ ودھان دی سمری مسترد کردتی

لہور(پنجابی میڈیا گروپ)نگران وزیراعلی پنجاب محسن نقوی نے میٹرو تے سپیڈو دا کرایہ15 روپے ودھان دی سمری مسترد کردتی ۔ نگران وزیراعلی محسن نقوی دی زیر صدارت پنجاب ماس ٹرانزٹ اتھارٹی دا 24واں اجلاس ہویا، صوبائی وزیر ٹرانسپورٹ ابراہیم حسن مراد،سیکرٹری ٹرانسپورٹ،سیکرٹری فنانس تے پنجاب ماس ٹرانزٹ اتھارٹی دے حکام اجلاس وچ رَلتی ہوئے۔سیکرٹری ٹرانسپورٹ پنجاب نے بریفنگ دیندیاں ہویاں اجلاس دے رَلتیاں نوں دسیا کہ پنجاب ماس ٹرانزٹ اتھارٹی تقریبا سوا ارب مسافراں دا ہدف عبور کرچکی اے، لہور وچ ماس ٹرانزٹ سسٹم اُتے روزانہ تقریبا 25 ہزار طلبہ مفت سفر کررہے نیں۔اجلاس وچ میٹرو تے سپیڈو بس سروس دے کرائے وچ 15روپے ودھان دی سمری پیش کیتی گئی جس نوں نگران وزیراعلی پنجاب محسن نقوی نے مسترد کرد تا، اونہاں نے ہدایت کیتی کہ ریونیو وچ ودھا لئی نویں تے منفرد انداز نال کم کیتا جائے۔اجلاس وچ لہور ریلوے سٹیشن تاگرین ٹائون الیکٹرک بساں چلان دی وی اصولی منظوری دے دتی گئی