اگلے 5ورھیاں وچ ملک نوں معاشی ناقابل تسخیر بناواں گے،مریم نواز

لہور(پنجابی میڈیا گروپ)پاکستان مسلم لیگ ن دی چیف آرگنائزر مریم نواز نے آکھیا اے کہ 2024توں2029 دے 5 ورھیاں وچ ملک نوں معاشی طور اتے ناقابل تسخیر بناواں گے۔سینئر نائب صدر پاکستان مسلم لیگ ن مریم نواز شریف نال این اے 128 تے این اے 129 دیاں یونین کونسلاں دے چیئرمیناں، کونسلراں تے کارکناں نے ملاقات کیتی جس وچ21 اکتوبر دیاں تیاریاں اتے گل بات ہوئی تے قائد نواز شریف دی وطن واپسی اتے استقبال دے انتظاماں دا جائزہ لئیا گیا۔ایس موقع اتے گل کردیاں ہویاں مریم نواز دا کہنا سی کہ عوام پریشان اے ایسی لئی نوازشریف واپس آرہیا اے، پاکستان دی ترقی یقینی اے کیونکہ سابق وزیراعظم واپس آرہیا اے، نوجوان، مزدور، دیہاڑی دار بے روزگار اے ایسی لئے قائد مسلم لیگ ن واپس آرہے نیں، مشکلاں توں کسیطرح نکلیئے حل دسن لئی ساڈا قائد آرہیا اے۔اونہاں نے آکھیاکہ ات گردی واپس آئی اے ایسی لئی ہں نوازشریف واپس آرہیا اے، نوجوان نوں روزگار دین والا رہنما واپس آرہیا اے، غریب نوں سستا آٹا، سستی روٹی، سستی چینی، سستا گھیو ن لیگ دی حکومت وچ ہی ملیا اے، غریباں دا ساتھی تے ہمدرد صرف نوازشریف اے۔مریم نواز نے آکھیا کہ سارے تجربے فیل ہوگئے، تجربہ اک ہی کامیاب رہیا اوہ اے نوازشریف، ساڈھا قائد قوم نوں چنگے دن فیر وکھائے گا، نوازشریف نے ایٹمی دھماکے کر کے دفاع ناقابل تسخیر بنایا سی ہن 2024 توں 2029 دیے 5ورھیاں وچ پاکستان نوں معاشی طوراتے ناقابل تسخیر بنان گے۔لیگی چیف آرگنائزر دا کہنا سی کہ 2016 وچ ساڈھی حکومت نے آئی ایم ایف نوں خداحافظ کہہ دتا سی، نوازشریف نے آئی ایم ایف پروگرام مکمل کیتا لیکن مہنگائی نہیں ہون دتی۔