بشری بی بی دی گرفتاری بارے درخواست ویلے توں پہلاں قرار

اسلام آباد:( پنجابی میڈیا گروپ)احتساب عدالت نے توشہ خانہ تے 190 ملین پانڈ سکینڈل کیس وچ چیئرمین پی ٹی آئی دی گھر والی بشری بی بی دی گرفتاری بارے درخواست نوں ویلے توں پہلاں قرار دیندیاں ہویاں نمٹا دتا۔احتساب عدالت اسلام آباد دے جج محمد بشیر نے بشری بی بی خلاف توشہ خانہ تے190ملین پانڈ سکینڈل کیس دی سماعت کیتی، ایس موقع اُتے نیب پراسیکیوٹر مظفر عباسی، وکیل صفائی تے پی ٹی آئی وکیل وی عدالت پیش ہوئے۔وکیل صفائی لطیف کھوسہ نے گرفتاری بارے اعلی عدلیہ دے فیصلے احتساب عدالت وچ جمع کروا دتے، لطیف کھوسہ نے آکھیا کہ جسطرح اعلی عدلیہ نے فیصلے کیتے، ویسا ہی فیصلہ تہاڈے توں وی چاہندا ہاں۔اپنے دلائل وچ نیب پراسیکیوٹر نے آکھیا کہ نیب قنون وچ ایسی کوئی شک موجود نہیں، مظفرعباسی نے گرفتاری بارے آصف علی زرداری کیس دا حوالہ دیندیاں ہوئے آکھیا کہ کِدھرے نہیں لکھیا کہ ملزم نوں گرفتاری بارے آگاہ کیتا جائے۔