ٹیکسٹائل سیکٹر قومی معیشت تے روزگار فراہم لئی بے حد اہم اے، ایس ایم تنویر

لہور( پنجابی میڈیا گروپ)صوبائی وزیر صنعت و تجارت ایس ایم تنویر نے ایکسپو سنٹر جوہر ٹائون وچ ٹیکسٹائل ایشیا بین الاقوامی تجارتی میلے دی25ویں سلور جوبلی نمائش وچ بطوراُچیچیے پروہنے رَلت کیتی، نمائش دااہتمام پاکستان چائنا جوائنٹ چیمبر آف کامرس اینڈ انڈسٹری تے ای کامرس گیٹ وے پاکستان نے باہمی اشتراک نال کیتا ، نمائش وچ امریکہ، برطانیہ، اٹلی، چین سنے ہور ملکاں توں ٹیکسٹائل سیکٹر نال وابستہ 450 غیر ملکی سرمایہ کاراں نے رَلت کیتی۔صوبائی وزیر صنعت و تجارت ایس ایم تنویر نے فیتہ کَٹ کے نمائش دا افتتاح کیتا، افتتاح بعد نمائش وچ لائے گئے سٹالاں دا معائنہ کیتا۔صوبائی وزیر صنعت و تجارت ایس ایم تنویر نے ایس موقع اُتے میڈیا نال گل بات کردیاں ہویاں آکھیا کہ نمائش وچ ای اینہی وڈھی تعداد وچ غیر ملکی سرمایہ کاراں دی رَِلت خوش دی گل اے،غیر ملکی سرمایہ کار پاکستان دی انڈسٹری دے نال جوائنٹ وینچر دی خواہش رکھدے نیں۔