حکومت دا سردیاں توں پہلاں گیس دی قیمت وَدھان دا فیصلہ

اسلام آباد( پنجابی میڈیا گروپ)حکومت نے سردیاں توں پہلاں گیس دی قیمت ودھان دا فیصلہ کرلیا۔وزارت خزانہ دے ذرائع مطابق ایس مالی سال دے دوران گیس سیکٹر دے گردشی قرضے وچ46ارب روپے دے ودھا دا خدشہ اے ،گردشی قرضے وچ ودھا اُتے عالمی مالیاتی ادارے آئی ایم ایف ولوں تشویش دا اظہارکیتا گیا اے۔ذرائع دا کہنا اے کہ جولائی تا ستمبرگیس کمپنیاں دے نقصان وچ 46 ارب روپے دا ودھا ہوچکیا اے تے گیس سیکٹردا گردشی قرضہ 2700 ارب روپے تک پہنچ چکیا اے۔