اسلام آباد ہائیکورٹ؛ نواز شریف دی حفاظتی ضمانت لئی درخواست اُتے نوٹس جاری

اسلام آباد( پنجابی میڈیا گروپ) پاکستان مسلم لیگ (ن) دے قائد تے سابق وزیر اعظم نواز شریف نے ایون فیلڈ تے العزیزیہ ریفرنسز وچ حفاظتی ضمانت لئی اسلام آباد ہائیکورٹ نال رجوع کرلیا۔چیف جسٹس عامر فاروق تے جسٹس میاں گل حسن اورنگزیب اُتے مشتمل ہائی کورٹ دا2رکنی بنچ نواز شریف دی حفاظتی ضمانت دی درخواست اُتے سماعت کررہیا اے۔وکیل امجد پرویز ایڈووکیٹ نے دلائل د تے کہ جَِد کوئی عدالت سامنے سرینڈر کرنا چاہندا اے تے عدالت ایسے موقع فراہم کردی اے، ماضی وچ وی اینج ہُندا رہیا اے کہ اشتہاری ملزماں نوں سرینڈر کرن لئی حفاظتی ضمانت دتی گئی،امجد پرویز ایڈووکیٹ نے آکھیا کہ نواز شریف نے ضمانت دا کَدی غلط استعمال نہیں کیتا ، جَد سزا سنائی گئی تَد نواز شریف بیرون ملک سن۔نیب پراسیکیوٹر نے عدالت نوں دسیا کہ میں ایس کیس دا پراسیکیوٹر ہاں، میں اونہاں دے دلائل سنے نیں اگر کوئی ملزم آنا چاہندا اے تے ساہنوں اعتراض نہیں۔ایس دے علاوہ توشہ خانہ کیس وچ وی نواز شریف نے حفاظتی ضمانت دی درخواست دائر کردتی جس وچ دائمی وارنٹ معطل کرن دی استدعا کردیاں ہویاں آکھیا کہ نواز شریف عدالت دے ساہمنے سرنڈر کرنا چاہندے نیں، اونہاں دے دائمی وارنٹ 24 اکتوبر تک لئی معطل کیتے جان ، اونہاں نوں عدالت وچ پیش ہو کے دستیاب سہولت توںفائدہ چُکن دا موقع دتاجائے۔