نگران وزیر اعظم نے بجلی چوری دی صورتحال اُتے اہم اجلاس سدھ لئیا
اسلام آباد(پنجابی میڈیا گروپ)نگران وزیر اعظم انوار الحق کاکڑ نے بجلی چوری دی صورتحال اُتے اہم اجلاس سدھ لئیا۔ذرائع مطابق اجلاس اج دوپہر وزیر اعظم ہائوس وچ ہوئے گا، پاور ڈویژن ولوں بجلی چوری دی صورتحال اُتے بریفنگ دتی جائے گی، بجلی چوری روکن لئی اقداماں اُتے وزارت داخلہ تفصیلی بریفنگ دیوے گی۔وزیر داخلہ سرفراز بگٹی تے حکام جاری کارروائیاں اُتے بریفنگ دیاں گے، صوبیاں وچ بجلی چوری روکن بارے اقداماں دا جائزہ لیا جائے گا، بجلی چوری وچ ملوث افراد دی گرفتاری تے قنونی چارہ جوئی اُتے بریفنگ ہوئے گی۔دوران اجلاس نگران وزیر اعظم انوار الحق کاکڑ وزیر توانائی تے وزیر داخلہ نوں آئندہ دی ہدایات دیاں گے۔دُوجے پاسے وزارت داخلہ نے بجلی چوری تے روک تھام دے اقداماں اُتے رپورٹ تیار کر لئی اے، نگران وزیر داخلہ سرفراز بگٹی اج وزیر اعظم نوں رپورٹ پیش کرن گے۔
