ممنوعہ فنڈنگ کیس وچ ٹی ایل پی نوں کلین چٹ مل گئی

اسلام آباد( پنجابی میڈیا گروپ)الیکشن کمیشن آف پاکستان نے تحریک لبیک نوں ریاست مخالف سرگرمیاں دے الزاماں تے ممنوعہ فنڈنگ کیس وچ کلین چٹ دے دتی۔فیض آباد دھرنا کیس وچ الیکشن کمیشن نے سپریم کورٹ دے فیصلہ اُتے عمل در آمد رپورٹ جمع کروا دتی جس وچ تحریک لبیک نوں ریاست مخالف سرگرمیاں دے الزاماں تے فارن فنڈنگ دے الزاماں اُتے کلین چٹ دے دتی اے۔الیکشن کمیشن دی رپورٹ دے متن مطابق تحریک لبیک دے ریاست مخالف سرگرمیاں وچ ملوث ہون اُتے وزارت داخلہ نال رپورٹ منگی سی جس وچ آکھیاگیا اے کہ تحریک لبیک ریاست مخالف سرگرمیاں وچ ملوث نہیں۔ٹی ایل پی دے فنڈنگ ذرائع دا وی جائزہ لیا گیا جس وچ سکروٹنی کمیٹی رپورٹ مطابق تحریک لبیک نوں15 لکھ ممنوعہ ذرائع توں موصول ہوئے، تحریک لبیک پارٹی لئی 15 لکھ دی رقم آٹے وچ نمک برابر اے، تحریک لبیک نوں وصول ہون والی چھوٹی رقم نوں غیر ملکی فنڈنگ قرار نہیں دتا جا سکدا۔