الیکشن کمیشن داڈی سی تے آئی جی اسلام آباد نوں عہدے توں ہٹان داحکم
اسلام آباد( پنجابی میڈیا گروپ)الیکشن کمیشن آف پاکستان نے ڈپٹی کمشنر تے انسپکٹر جنرل اسلام آباد نوں عہدے توں ہٹان دے احکامات جاری کر دتے۔ذرائع مطابق سیکرٹری الیکشن کمیشن نے سیکرٹری اسٹیبلشمنٹ نوں خط لکھ دتا جس وچ آکھیا گیا اے کہ ڈی سی اسلام آباد عرفان نواز میمن نوں تبدیل کیتا جائے۔الیکشن کمیشن نے آئی جی اسلام آباد اکبر ناصر خان نوں وی تبدیل کرن دا آکھیا اے، الیکشن کمیشن نے اسٹیبلشمنٹ ڈویژن نوں دوناں افسراں دے تبادلے لئی مراسلہ گھلیا اے۔
