پی آئی اے طیارہ حادثہ، تحقیقات لئی آن والی ماہرین دی ٹیم کراچی توں فرانس چلی گئی
کراچی: پی آئی اے طیارہ حادثے دی تحقیقات لئی آن والی ماہرین دی ٹیم کراچی توں فرانس چلی گئی۔ 11رکنی ٹیکنیکل ایڈوائزرز خصوصی پرواز توں روانہ ہوئے۔
جہاز دے فلائٹ ڈیٹا ریکارڈ تے کاک پٹ وائس ریکارڈر دی ڈی کوڈنگ اج توں فرانس وچ شروع ہووے گی۔
غیر ملکی ٹیم نے پی آئی اے طیارہ حادثہ دی تحقیقات مکمل کر لئیاں۔ 5دیہاڑ تحقیقات دے بعد ایئر بس ٹیکنیکل ٹیم کراچی توں فرانس روانہ ہو گئی۔
آلات دی ڈی کوڈنگ لئی پاکستانی تحقیقاتی ٹیم دے دو ارکان وی فرانس جا رہے نیں۔ ذرائع دے مطابق ایئر بس ٹیکنیکل ایڈوئزرز حادثے دی حتمی رپورٹ فرانس وچ تیار کرن گے۔
ماہرین دی ٹیم نے جائے وقوعہ توں سارے ضروری شواہد اکٹھے کیتے، رن وے دا معائنہ وی کیتا سی۔
