بھارتی فوج دی ریاستی دہشت گردی وچ ہور 3کشمیری نوجوان شہید
سری نگر: مقبوضہ کشمیر وچ بھارتی فوج دی جارحیت وچ ہور 3نوجواناں نوں شہید کر دتا، ایس طرح تن دیہاڑ وچ شہید ہون والے نوجواناں دی تعداد5ہو گئی اے۔
کشمیر میڈیا سروس دے مطابق قابض بھارتی فوج نے جنت نظیر وادی دے ضلع راجوڑی وچ داخلی تے خارجی راستیاں نوں بند کرکے سرچ آپریشن کیتا تے گھر گھر تلاشی دے دوران بدترین بنیادی انسانی حقوق دی خلاف ورزی کیتی۔
قابض بھارتی فوج نے سرچ آپریشن دے دوران ظلم و بربریت دی انتہا کردیاں 3کشمیری نوجواناں نوں گولیاں مار کے شہید کر دتا۔
بھارتی فوج نے شہید ہون والے نوجواناں نوں دہشت گرد ثابت کرن دی بھونڈی کوشش کیتی۔ علاقہ مکیناں نے قابض بھارتی فوج دی جارحیت دے خلاف شاہراہ بلاک کرکے شدید احتجاج کیتا تے لاشاں لواحقین دے حوالے کرن دا مطالبہ کیتا۔
عینی شاہدین دا کہنا سی نوجوان نہتے تے معصوم سن جہناں نوں جعلی مقابلے وچ قتل کیتا گیا ۔
