سرفراز بگٹی دے حفاظتی دستے وچ شامل گڈی نوں حادثہ، 6لیویز اہلکار جاں بحق
بلوچستان دے علاقے لورالائی وچ سابق وزیر داخلہ بلوچستان تے سینیٹر سرفراز بگٹی دے حفاظتی دستے وچ شامل گڈی حادثے دا شکار ہو گئی جہدے نتیجے وچ 6لیویز اہلکار جاں بحق ہو گئے۔
سینئر سپرنٹنڈنٹ آف پلس (ایس ایس پی) لورالائی جواد طارق دے مطابق سرفراز بگٹی ڈیرہ غازی خان توں کوئٹہ آ رہے سن کہ لورالائی وچ میختر دے مقام تے حفاظتی دستے وچ شامل گڈی نوں حادثہ پیش آیا۔
اوہناں نے دسیا کہ گڈی وچ سوار 6لیویز اہلکار جاں بحق ہو گئے جہناں دی میتاں لورالائی ہسپتال منتقل کر دتی گئیاں نیں۔
اوہناں نے دسیا سینیٹر سرفراز بگٹی دوجی گڈی وچ سوار سن جہڑے حادثے وچ محفوظ رہے۔
