سرکار دا یوٹیلیٹی سٹورز کارپوریشن وچ لازمی سروسز ایکٹ نافذ کرن دا فیصلہ
وفاقی سرکار نے یوٹیلیٹی سٹورز کارپوریشن وچ لازمی سروسز ایکٹ نافذ کرن دا فیصلہ کر لیا۔
وسیلیاں دا کہنا اے وزارت صنعت و پیداوار دی عرضی تے وزارت داخلہ نے یوٹیلیٹی سٹورز کارپوریشن وچ لازمی سروسز ایکٹ دی سمری وفاقی کابینہ نوں ارسال کر دتی اے۔
ذرائع دے مطابق وفاقی کابینہ نوں ارسال کیتی گئی سمری وچ یوٹیلیٹی سٹورز کارپوریشن دے ملازماں لئی اگلے 6مہینے لئی ہڑتال تے احتجاج تے پابندی لاگو کرن دی سفارش کیتی گئی اے۔
کورونا وائرس دے دوران عوام نوں ضروریات زندگی فراہم کرن وچ تعطل توں بچن لئی لازمی سروسز ایکٹ لاگو ہووے گا تے لازمی سروسز ایکٹ نافذ ہون دے بعد ہڑتال تے احتجاج کرن والے ملازماں نوں برطرف تے گرفتار کیتا جاوے گا۔
وفاقی کابینہ اگلے اجلاس وچ یوٹیلیٹی سٹورز کارپوریشن وچ لازمی سروسز ایکٹ دی منظوری دیوے گی۔
